Author: lensherra

Svarti kassinn, nýtt frumsamið leikverk, verður frumsýnt af Leikfélagi Kópavogs föstudaginn 28. apríl kl. 20.00 í Leikhúsinu við Funalind. Verkefnið er samsköpunarverkefni í leikstjórn Ágústu Skúladóttur og hefur verið í vinnslu með hléum síðan i nóvember. Hvað er svarti kassinn? Er svarti kassinn Pandórubox? Er hann leikhús? Er hann lífið sjálft? Réttu barni kassa og það reynir að opna hann. Réttu því fleiri kassa og barnið byggir turn. Forvitnin, þekkingarþráin og sköpunarþörfin er inngróin og við viljum rannsaka, uppgötva, eiga og nota það sem við finnum. Manneskjunni virðist skapað að skapa til góðs eða ills. Við stöndumst ekki freistinguna...

Leikfélag Sólheima sýnir um þessar mundir nýtt íslenskt barnaleikrit, Ævintýrakistuna eftir Guðmund Lúðvík Þorvaldsson sem einnig leikstýrir verkinu. Tónlistina semur Þröstur Harðarson, kokkur á Sólheimum. Í Ævintýrakistuni eru sett saman þrjú þekkt Grimms ævintýri, Gullgæsin, Stígvélaði kötturinn og Brimarborgarhljómseitin. Rúmur helmingur íbúa og starfsmana Sólheima koma á einhvern hátt að sýningunni. Ekki missa af nýju íslensku barnaleikriti. Nú eru bara tvær sýningar eftir: Laugardaginn 29. apríl Lokasýning verður sunnudaginn 30. apríl Sýningar eru í Íþróttaleikhúsinu á Sólheimum, byrja kl. 14.00 og taka um klukkutíma. Miðasalan er í síma 847 5323 eða solheimar@solheimar.is Upplýsingar www.solheimar.is Opið verður í kaffihúsinu Grænu könnunni...

Í tilefni af 60 ára afmæli Leikfélags Kópavogs standa nú yfir æfingar á „devised“ verki eftir Ágústu Skúladóttur, Hrefnu Friðriksdóttur og leikhópinn. Ágústa er jafnframt leikstjóri sýningarinnar. Frumsýning verður föstudaginn 28. apríl nk. Fylgist með!...

Leikhópurinn Miðnætti frumsýnir í samstarfi við Lost Watch Theatre, Á eigin fótum, nýja íslenska Bunraku brúðusýningu, í Tjarnarbíói 29. apríl kl 15:00. Á eigin fótum er falleg, fræðandi og fjörug Bunraku brúðusýning um hugrekki, ætluð allra yngstu áhorfendunum og fjölskyldum þeirra. Sýningin er 40 mínútur að lengd. Við sýningartímann bætist síðan leikstund þar sem börnunum gefst tækifæri á að hitta brúðuna, leikara og skoða leikmyndina. Leyfilegt er að taka myndir í leikstundinni. Á eigin fótum fjallar um Ninnu, sex ára uppátækjasama stelpu sem býr í Reykjavík á millistríðsárunum og er send ein í afskekkta sveit sumarlangt. Nýju heimkynnin eru...