Leikfélag Hafnarfjarðar blæs til stuttverkahátíðar í tilefni þess að sýning félagsins Ubbi kóngur – skrípaleikur í mörgum atriðum – í leikstjórn Ágústu Skúladóttur var valin til þátttöku á alþjóðlegri leiklistarhátíð í Austurríki í sumar.
Stuttverkin eru innblásin af Ubba kóngi og höfundi hans, franska leikskáldinu Alfred Jarry. Áhorfendur mega því eiga von á ýmiskonar grodda, subbuskap og skrípalátum föstudaginn 20. maí, kl. 20.00, í Gaflaraleikhúsinu í Hafnarfirði. Aðeins verður sýnt einu sinni.
Gestgjafi kvöldsins er Ubba drottning. Hún mun, af sinni alkunnu alúð, gestrisni og gáfum, sjá áhorfendum fyrir andlegri næringu milli verka, ásamt ástkærum eiginmanni sínum og auðmjúkum þegnum og aðstoðarmönnum.
Aðgangseyrir er einn þúsundkall (fyrir hvern áhorfanda) sem rennur óskiptur í ferðasjóð Ubbalinga. Miðar seldir við innganginn.
Hin Ubbalegu leikrit eru:
Stund milli stríða e. Ólaf Þórðarson.
Leikstjóri: Gísli Björn Heimisson
Leikarar: Stefán H. Jóhannesson og Viðar Utley
Skugga-Sveinn group e. Karl Ágúst Úlfsson
Leikstjóri: Sigrún Tryggvadóttir
Leikarar: Eyvindur Karlsson og Gísli Björn Heimisson
Viltu nammi, hæna e. Gísla Björn Heimisson
Leikstjóri: Gunnar Björn Guðmundsson
Leikarar: Arndís Jóna Vigfúsdóttir, Ársæll Hjálmarsson, Kristín Svanhildur Helgadóttir og Stefán H. Jóhannesson
Samveran e. Ársæl Hjálmarsson
Leikstjóri: Ninna Karla Katrínardóttir
Leikarar: Arndís Jóna Vigfúsdóttir, Elva Dögg Gunnarsdóttir og Sigurveig Mjöll Tómasdóttir
Masterchef Ísland e. Ingveldi Láru Þórðardóttur
Leikstjóri: Eyvindur Karlsson
Leikarar: Aðalsteinn Jóhannesson, Elva Dögg Gunnarsdóttir, Huld Óskarsdóttir, Kristín Svanhildur Helgadóttir og Viðar Utley.
Ég, Ubbi e. Halldór Magnússon
Leikstjóri: Stefán H. Jóhannesson
Leikarar: Ársæll Hjálmarsson og Halldór Magnússon
ATHUGIÐ: Haldin verður fjáröflunarsýning á Ubba kóngi – skrípaleik í mörgum atriðum fimmtudaginn 26. maí. Nánar um það á öðrum stað.
