Fjórar persónur lokaðar inni í byrgi. Eru þetta endalok jarðlífsins? Það er augljóst að mikið liggur undir. Allt lífið.
„Það er fátt jafn hlægilegt og óhamingjan. Hún er það hlægilegasta í heiminum,“ segir ein þeirra. Í þessu tragíkómíska verki Samuels Beckett eru harðstjórn og undirgefni í stöðugu samspili.
Spyrja má hvort taflmennska Becketts felist ekki í því að horfast í augu við smákónginn og þrælinn sem leynist innra með honum sjálfum og reyndar hverjum og einum. Þess vegna snertir þetta verk okkur öll.
Endatafl er annað frægasta leikrit Nóbelskáldsins írska, Samuels Beckett, tvímælalaust eins áhrifamesta leikskálds tuttugustu aldarinnar. Hitt verkið er Beðið eftir Godot.
Endatafl var frumsýnt 1957 í skugga kjarnorkuógnar. Enn er samfélögum og í raun öllu jarðlífi ógnað af skammsýni mannanna og verkið skírskotar þannig beint til samtímans.
Sýningin er hluti af Listahátíð í Reykjavík.
Leikarar
Þorsteinn Bachmann
Þór Tulinius
Harpa Arnardóttir
Stefán Jónsson
Sviðsmynd
Kristín Jóhannesdóttir
Leikstjórn
Kristín Jóhannesdóttir
Lýsing
Halldór Örn Óskarsson
Ljósmyndari
Jónatan Grétarsson
Förðun
Kristín Thors
Framkvæmdastjóri
Þór Tulinius
Dramatúrg
Sigurður Pálsson
Búningar
Þórunn María Jónsdóttir
Þýðing
Árni Ibsen
