Fréttir Birtíngur kveður Suðurland
| Birtíngur kveður Suðurland |
 |
 |
 |
| Föstudagur, 14. Maí 2010 13:35 |
 Leikritið Birtíngur sem Leikfélag Selfoss sýndi í vetur, heldur nú brátt í víking og ferðast norður yfir heiðar á NEATA-leiklistarhátíðina sem haldin verður á Akureyri 10.–15. ágúst næstkomandi. Áður en Birtíngur kveður Suðurland fyrir fullt og allt munu þó verða sýndar tvær fjáröflunarsýningar í Litla leikhúsinu við Sigtún á hátíðinni Vor í Árborg til að safna fyrir ferðinni norður. Sýningarnar verða föstudaginn 14. maí og sunnudaginn 16. maí og hefjast báðar kl. 20.00. Stytta þurfti sýninguna um klukkutíma fyrir leiklistarhátíðina og hefur leikhópurinn æft þær breytingar undanfarna daga. Æfingarnar hafa gengið vel og er sýningin þéttari og skemmtilegri en boðskapurinn er að sjálfsögðu enn á sínum stað. NEATA-leiklistarhátíðin er hátíð áhugaleikfélaga á Norðulöndunum og í Eystrasaltslöndunum. Birtíngur var valinn úr hópi sýninga fyrir Íslands hönd ásamt tveimur öðrum íslenskum sýningum. Ferðin norður verður viðamikil enda er um 30 manna hópur með í för. Því var brugðið á það ráð að kveðja Suðurland með þessum hætti. Aðgöngumiðar seljast með frjálsum framlögum en lágmarksverð verður þó 1000 kr. Aðgangseyrir rennur í ferðasjóð sem notaður verður til að kosta ferðalagið á þessa stórmerkilegu hátíð á Akureyri sem haldin verður í hinu glæsilega menningarhúsi Hofi. Nánari upplýsingar eru á www.leikfelagselfoss.is Miðapantanir eru í s. 4822787 og á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. Senda á:
|
info@leiklist.is
- sími: 551-6974 / 562-2944 - Fax: 562-2984 - Suðurlandsbraut 16 108 Reykjavik - kt. 440169-0239 - Vefstjori:
lensherra@leiklist.is
