| Aukasýningar 39 þrepum í Íslensku óperunni |
|
|
|
| Miðvikudagur, 19. Maí 2010 10:24 |
![]() Fjöldi manns sótti sýningar LA helgina 7,-9. maí í Íslensku óperunni. Það var frábær stemmning, mikið hlegið og dynjandi fagnaðarlæti í lok sýninga. Vegna fjölda áskorana - og fyrir þá sem ekki komust þá helgi - verða aukasýningar á 39 þrepum í Íslensku óperunni helgina 21.-24. maí. Leikstjóri sýningarinnar er María Sigurðardóttir. Leikfélag Akureyrar frumsýndi gamanleikinn 39 þrep í janúar sl. Uppselt hefur verið á nær 50 sýningar norðan heiða og gagnrýnendur á einu máli; „Stórkostleg sýning“. Í þessum óborganlega gamanleik fara 4 leikarar á kostum í 139 hlutverkum. Breski háðfuglinn Patrick Barlow gerir leikgerðina og byggir hana á samnefndri kvikmynd Alfred Hitchcock. Leikarar í 39 þrepum eru Björn Ingi Hilmarsson, Atli Þór Albertsson, Jóhann G. Jóhannsson og Þrúður Vilhjálmsdóttir. Hægt er að nálgast upplýsingar um sýninguna og kaupa miða á vef Íslensku óperunnar; www.opera.is. Sími miðasölu er 511 4200. |
info@leiklist.is
- sími: 551-6974 / 562-2944 - Fax: 562-2984 - Suðurlandsbraut 16 108 Reykjavik - kt. 440169-0239 - Vefstjori:
lensherra@leiklist.is